وبديت القصة تحدي
بداها مختار فرض وجودو وقال :
مافي على هالأرض قدي
عجبني وجودو وأكثر ردودو
رغم إنو وقف ضدي
يكتب بيت أرد بـ بيت
وجا الكل يحيينا ,,
ناس بصفوا وناس بصفي
وقلت يومين اتنين وننهي القصة
وأكسب وقتي ويكسب جهدو
لكن شكلو القصة حليت
وصرت أنتظرو بفارغ صبري
واستمر التحدي
وزاد إعجابي بلي كان امبارح نـِِدّّي
شخص راكز أكثر من واعي
وبعمرها ما انشدت لغيره نفسي
ولأني حوا !!
ما أقدر أصرح باعجابي بشخصه
أو ألمح له بخافي حبي
لكن أملي الدايم دفعني أترك هاي القصة
وأوكل أمري كله لربي
حتى حانت ذيك اللحظة
وصرح فيها بحبو لشخصي
وقلت لحظتها إنت الأول
إنت الأوحد
واختصرت بيهم كامل ردي
كانت صدفة وصارت واقع حب بيكبر
لأحلى حبيبين ميار وأبو تركي ؛)
ليست هناك تعليقات:
إرسال تعليق